PRO LOCO

PARCHE’ NA OLTA SE DOPARAVA EL SORANOME

Ve ghio mai domandà come i è nati i soranomi?
Beh! Uno par esempio el podarea essere coesto: la gente de na olta l’era on po’ stramba,
e coando la vedea on magrón, subito la ghe sgnacava dosso el nome de ùcia.
Nantro modo invesse el podarea essere nato così, forsi a la gente de na olta ghe piasea
schersare storpiando on po’ i nomi e alora nassea Bio da Luigi, Nani da Giovanni, e così via.
Ma coelo che par conto mio el pare più giusto, l’era inventarse on soranome par distingoerse
meo uno dall’altro: visto che solo fra Prà, Bolla e Bogoni, ghe n’è talmente tanti che non i se
riconosse gnanca fra de luri.
E alora scomissiemo a elencarli sperando de non recare nessuna ofesa partendo da:
Asse, Babo, Aeo e Tega – el Giamba, el Sio, Scala e Sega.
Picchi, Cimba, la Cavrona, el Cusin – Cucarelo, Cucheto, la Gnoca e Cianin.
Fero, Mostaci, Bodola e Baci – la Bionda, el Moleta, el Bulo e Scopeta.
Andri, Cagnon, Balota e Ceo – el Moro, el Mero, Pissaseo e Deo.
Deo par la verità el sarea sambonifacese, “ da Ciavegheta”, ma el ga comesso l’erore de inamorarse
de na bela tosa de Monteforte, na certa Boara, soranome de casato, par coesto l’è sta esilià.
Tuti i sa che tra Monteforte, San Bonifacio e Soave, non gh’è mai tirà bon sangoe; lu però par
difesa el ga dito: i me ga mandà ia, ma ghi no goadagnà mi ostrega!!!!!
Ma non perdemo tempo e nemo avanti con l’argomento, continuemo col listón scomissiando da:
Molón, el Polentaro, Dino Magro e Massadin – Saeta, Maissènte, el Mulinaro e Sincoantin.
Oca, Nane Coa, la Puliera, el Paroloto – Cadena, Padela, el Muco Pessa, el Pissigoto.
El Pissigoto, l’era el Bechìn: no che el fusse tanto ben visto in Paese, ma el fa parte anca lu
de la nostra storia; de na roba podarea dire de essere sicuro: che chiunque lo gavesse incontrà
par la strada, el cambiava subito marciapié.
Vedìo! I soranomi i è storia, i è folclore de on Paese sempre in festa e alegro, sensa tóre in giro
mai nissun; e chiunque el se sentea métarse dosso on soranome, el nasea ia fiero vantandossene,
parchè par noialtri l’era come se i ne desse on titolo onorifico, on motivo par sentirse orgoliosi:
sensa contare che el nome de batesimo uno el pole anca desmentegarselo facilmente, mentre el
soranome el te resta lì impresso in t’el sarvèlo, e coando dopo coalche tempo la gioventù l’è da
tempo remota, l’è comodo ricordarse dei bei tempi usando i soranomi, esempio: te ricordito
del Cimba? O del Mero, e de Uviti? E così via; insoma, con i soranomi l’è più facile ricordarse de
ci se vol parlare Ed eco che in te on fià semo rivà anca col:
el Geoe, el Milanese, el Patataro e Scati – Ciani, la Bieta, el Capelaro e Pati
Brusacase, Tognassi, Gigio Canola e Ociti – Rangia, Ciciti, Uvi e Uviti.
Uviti l’era on brao mecanico de biciclete, atresso che na olta l’era molto d’usansa: l’era on tipo
sempre alegro e matachión, e no ‘l gaea dificoltà a giustarte sia la camerdària che el copertón.
Forse voialtri pensé che la sia finia coà, invesse ve digo che ghemo pena scomissià.
Ve ricordeo del Chichera, Ari, Ansali e Bari – Ponta, Cassola, Preari e Cuciari.
Ciorla, Meca, Pase e Borice – Nani, Nane, Bemben e la Ice.
La Tora, Scabora, Cena e Faiana – Tita, Pita, Piosansa e Caldana.
Caldana, messo comunale de na olta, sempre presente coando lo stato el mandava a ciamare i tusi
par la visita de leva, praticamente el comune el ghe lo mandava parchè el controllasse che tuti i
tusi i gaesse le robe al so posto, insoma, el nasea védre se i gaea tutto.
Ma non perdemo tempo e nemo avanti con l’elenco, ghe nantro mecanico che merita rispeto:
Opela per esempio e po ghe Andri, Fasolo, el Mantoàn – Gronda, Ciachi, Cilo e Camàn.
El Dindo, Bassisseri, el Fabro e Stropelo – Pelo, Pulissaeo, el Soto Galo e Pavanelo.
El Piocio, el Pincio, Puncio e Piciaco – Concio, Babaco, Spacauvi e Aco.
Aco l’era l’unico gelatàro del Paese, coasi tuto giasso, ma l’era bon: el gaea on caretìn
tacà na bicicleta, el vendea i gelati sincoe schei la baléta.
Ma continuemo con Berico, Pirico, Finco e Piròn – Grola, Galina, S’ciao e Busón.
I Rochi, Nussente, Gè e Papalin – Merlo, Susin, Lepre e Martin.
Cula, Duculi, i Paoli e Tona – Bocala, Culomoro, el Toba e Poda.
El Ragno, Paimato, Coaea e Coaeta – e in fondo al Borgo anca Bueleta.
Casamata, Casalegra, el Lingoa e Stalone – Cavadenti, Distrui e Bortolone.
Mortadela, Brito, Pepone e Massèla – Furlan, la Calmela, Colombaroto e Cucagnela.
Cucagnela, l’era on vecio marangón, no ‘l butava ia gnente e con i tochéti de legno che el vansava,
el fasea tanti zugatoli par i tusiti: l’era pitosto picoleto, magreto, con du bei bafiti
tacà al naso e, coando on toseto el passava davanti la so botega “ disemo par caso”
el ghe dasea on zugatolo, pagamento? Solo on baso. E chi no se ricorda de
Santodio, Bocamora, Ossi e Magnabai – Monsaréce, Futabalote, Merebalto “ mai “.
La Conda, la Branda, Bolda e Babeto – Eto, Gepeto, Roseto e Bigeto.
Biiti, Iterle, el Montagnaro e Galineta – Bocardo, Bandera, el Rosso e la Gobeta.
Marmi, Mangi, Vasco e Moroso – el Giobri, el Mena, Batua, el Toso.
La Pia, el Conte, Cigola e Bortoleto – el Piopa, el Dade, el Fedain e Boreleto.
Bisteca, Spicion, Scaltri e Manarisi – Magnabastimenti, Sentòmini e i Grisi.
Adesso ghe demo on tirón on po’ pì longo, parchè senò non rivemo pì in fondo.
El Cicio, el Cedo, Cagabasso e Minichiti – Figo, Moche, Bastina e i Massariti.
I Simoni, i Moriti, Maga, el Boaro – Sorsi, Pancia, Bastina, el Bandaro.
Adesso che on puchi li ghemo elencà, disemo anca i altri senò le on pecà.
Tano Canaeo, el Tin, Russia e Miliardin – Piovesina, Coneo, Borelo e Fasolin.
El Fante, la Vecia Begola, Mano e Titan – el Barba, Cacefo, l’Avocato e Bacàn.
Manina, el Postin, Gardelin e Culatina – Balbo, Caino e la Sunta Andolina.
La Sunta Andolina, na veceta che se metea sempre lì in Piassa, tacà la piereta e, mi ogni
matina par nare a scola, ghe passava davanti par forsa, la gaea el bancheto “du cavaliti
e tre asse”, sul cantón, tra el fornaro e el tabacàro, la gaea on saco de ciuci, mi me fermavo
davanti e restavo lì piantà che no me moea gnanca na canonà, ela la me vardava fisso
in te i oci e, con na vosseta de nona la me disea: vorissito calche dolsetto?
Mi scorlando la testa da in zo ghe disea de sì, alora la me metea in man on par de moriti e mi
nasea a scola tuto contento, parchè du moriti par mi i era come se i fusse sento.
Ma nemo avanti con sti elenchi, sperando che no ghe sia dei malcontenti.
Tabaca, Baraca, Semensina e Tale – Popolo, Matiale, Gibalgina e Bale.
Lion, Taioli, Toni la Rossa e Cesolina – el Cici, el Titi, Maciste e Baretina.
Nelo detto Baretina, forsi parchè el gaea na baretina sempre storta in testa, muradóre de na
genialità incontrolabile, nel senso che, prima de fare on scalin, el ghe misurava l’altessa
con du bicéri, parchè el disea: se on bicére el fa oto sentimetri, du i ga da farghene parforsa
sedese e coesta par on scalin l’è la misura parfeta!
E zo tra na sorsà e l’altra, na cassolà de malta.
E ripartemo col Ciocero, el Francese, i Romanei, el Genovese – Rondene, Recia e Carlo Forbese.
Titòn, la Polonia, la Nela Bagassa e Massignan – Patatina, la Mora Verda, Sbarini, el Balduan.
Adesso semo in fondo, li go tegnù par ultimi, parchè in te la memoria s’inculca on po’ de storia:
non so se i sia i pì veci par coel che gh’in so mi, ma li sentea na olta coando ero picinin.
Giostra, Mosca, Forca e Boca – Maranga, el Lupo, Forno e Cuco.
I Giusti, el Condo, Liegore e Pesseta – Pipo, Bombeta, Fate e Panseta.
El Bafo, el Tacio, el Moro Renaro – Uci, La Vecia e Ciani Mas’ciaro.
Tatalari, el Pipa, Briga e Badin – el Gambro, Borgia, Pucin e Sabin.
El Selaro, el Marinaro, Spessiale e Stramassaro – Cosma, el Piegoraro e par finire el Bigataro.
Non me ne vien pi in mente, perciò me fermo coà,
e ve domando scusa se calchedun lo go saltà.

Questa ricerca è stata realizzata tra il 2005 e il 2007, tanti altri sarebbero i "soranomi" da aggiungere, ma questo lo faremo la prossima volta.
Ringrazio tutti coloro che mi hanno aiutato in questa mia prima raccolta e spero che questo abbia fatto piacere ai nostalgici dei soranomi, ma anche possa servire ai giovani per capire la storia di un tempo raccontata da chi in parte la ha ampiamente vissuta.


P.S.: Se qualcuno avesse in mente degli altri soranomi, lo pregherei cortesemente di rivolgersi a:
GALIATI GIAN LUIGI VIA G. MATTEOTTI 76 MONTEFORTE
Questo per poter ampliare la conoscenza della nostra storia paesana : GRAZIE

Pagina precedente